அகத்தியர் போற்றி அகவல்

அகத்தியர் போற்றி அகவல்

அகத்திய மாமுனி திருவடி போற்றி

அகத்தில் அமர்ந்து அருள்வாய் போற்றி

அகப்பூ சைசெய்த அகத்தியர் போற்றி

அகக்கண் கொண்டு காண்பாய் போற்றி

சாகாக் கல்வி சாற்றினாய் போற்றி

ஆகா ஆணவம் அகற்றினாய் போற்றி

தேகம ழியாது காத்தாய் போற்றி

போகர் போற்றிய குருவே போற்றி

யாகம் யோகம் விளக்கினாய் போற்றி

ஏகன் இறைவனை வணங்கினாய் போற்றி

வாசிநி லையறி யவைத்தாய் போற்றி

நேசி உயிரை என்றாய் போற்றி

அத்தன் அன்பன் அகத்தியர் போற்றி

பத்துலட் சம்பா பாடினாய் போற்றி

தத்துவ விளக்கம் தந்தாய் போற்றி

நித்தம் தொழுகிறேன் என்குரு போற்றி

சித்தர் நிலையைச் செப்பினாய் போற்றி

சித்தர் போற்றும் குருமுனி போற்றி

சித்தரா கும்வழிக் காட்டினாய் போற்றி

சித்தர் கூட்டம் குருவே போற்றி

வித்தகன் திருவடி பொன்னடி போற்றி

சித்த வித்தைகள் சொன்னாய் போற்றி

வைத்தியன் இலக்கணம் வகுத்தாய் போற்றி

வைத்திய சாத்திரம் படைத்தாய் போற்றி

புத்தியால் தன்னுள் கண்டாய் போற்றி

நித்திய தேகம் பெற்றாய் போற்றி

நாத விந்து நவின்றாய் போற்றி

போதம் உன்னால் அறிந்தோம் போற்றி

ஆதா ரமாறும் அறிந்தாய் போற்றி

ஆதா ரம்வெல் லகூறினாய் போற்றி

வாத சௌமியம் இயற்றினாய் போற்றி

வாதம் செய்த வல்லபா போற்றி

அதிசய மூலிகை அறிந்தாய் போற்றி

விதியினை வென்ற வீரா போற்றி

பதினெண் சித்தர் பதியே போற்றி

முதிர்ந்த ஞானம் ஊட்டுவாய் போற்றி

பொதிகை இருப்பிடம் கொண்டாய் போற்றி

பொதிகை சிறப்பினை உரைத்தாய் போற்றி

மந்திரம் தந்திரம் சொன்னாய் போற்றி

எந்திரம் செய்முறை இயம்பினாய் போற்றி

முப்பு சுன்னம் விளக்கினாய் போற்றி

உப்பு அமிலம் உரைத்தாய் போற்றி

ராமனுக் குதவிய அருளே போற்றி

சோமப் பால் அருந் தியவரே போற்றி

தமிழ் இலக்கணம் தந்தாய் போற்றி

தமிழ்ச்சங் கம்வீற் றிருந்தாய் போற்றி

காய கற்பம் கண்டாய் போற்றி

காயம் நிலைத்திட செய்தாய் போற்றி

காயத்தை ஒளி ஆக்கினாய் போற்றி

தூய உள்ளம் பெற்றாய் போற்றி

சாயுச் சியபத பெற்றாய் போற்றி

சாயுச் சியம்பெற உதவுவாய் போற்றி

மெய்ஞ்ஞான கடல் அகத்தியர் போற்றி

பொய்ஞ்ஞா னம்விலக் கிவைத்தாய் போற்றி

புராண ரிஷியுடன் பழகினாய் போற்றி

பிரணவ மகிமை புகன்றாய் போற்றி

 கரணம் கட்டிக் காத்தாய் போற்றி

பிராணாயாமம் விளக்கினாய் போற்றி

குருமுனி பட்டம் பெற்றாய் போற்றி

குருவாய் முருகனைக் கொண்டாய் போற்றி

குருமொழி கொள்ளக் கூறினாய் போற்றி

இருதய தரிசனம் இயம்பினாய் போற்றி

பெரும்புகழ் புசுண்டர் குருவே போற்றி

அருணகிரிநாதர் குருவே போற்றி

திருவருள் வழங்கும் குருவே போற்றி

குருவருள் வழங்கிடும் அகத்தியர் போற்றி

அருவே உருவே அகத்தியர் போற்றி

திருவே தெளிவே சித்தரே போற்றி

கருவறிந் துகைலை ஏகினாய் போற்றி

அருவ தரிசனம் கூறினாய் போற்றி

தரிசனம் பதினா றுசொன்னாய் போற்றி

திரிகோண பூஜை அறிந்தாய் போற்றி

தொல்காப்பியர் குரு சான்றோய் போற்றி

பல் ஊழி காலம் இருப்பாய் போற்றி

புலவர் போற்றும் புலமையே போற்றி

திலகம் புலவர்க் குஆனாய் போற்றி

புலத்தியர் குருவே புனிதா போற்றி

மலங்கள் மூன்றும் போக்கினாய் போற்றி

செபமணி வகைகள் விளக்கினாய் போற்றி

செபம்செய் முறைவிதி கூறினாய் போற்றி

நாலயுக அதிசயம் அறிந்தாய் போற்றி

வாலறி வன்அருள் பெற்றாய் போற்றி

பலரிஷி பற்றி பாடினாய் போற்றி

பலரிஷி கருத்து பகன்றாய் போற்றி

ஞாலம் போற்றும் ஞானியே போற்றி

காலம் வென்ற கருத்தாய் போற்றி

தலைச்சங்கம் வளர்த்த தலைவா போற்றி

நிலைக்கும் நூலினைப் ஆக்கினாய் போற்றி

பவக்கடல் கடந்திட பகன்றாய் போற்றி

தவமது செய்த தவசியே போற்றி

சிவனின் சீடரின் சீடரே போற்றி

குவலயம் ஏற்றிடும் குருவே போற்றி

ஊழி கண்ட உத்தமா போற்றி

வாழிநின் நாமம் திருவடி போற்றி

வள்ளுவர் போற்றிய வள்ளலே போற்றி

உள்ளும் புறமும் ரானாய் போற்றி

திறமான நூலினைத் திரட்டினாய் போற்றி

அறம்பல விளக்கம் அளித்தாய் போற்றி

பிறப்பு அறுக்க வைத்தாய் போற்றி

சிறப்பு தவிர்க்க வைத்தாய் போற்றி

ஞான காவியம் எழுதினாய் போற்றி

ஞானக் கண்ணைப் பெற்றாய் போற்றி

மானத பூசை கூறினாய் போற்றி

தானம் தருமுறை கூறினாய் போற்றி

அஷ்ட கர்மம் அறிந்தாய் போற்றி

அட்டாங்க யோகம் விளக்கினாய் போற்றி

திருநெறி காட்டும் அகத்தியர் போற்றி

திருவடி பணிகிறேன் காப்பாய் போற்றி